في تصنيف معلومات عامة بواسطة

في حالة لم تجد إجابة أو كانت الإجابة غير صحيحة

اترك تعليق لنا حتى نقوم باضافة الإجابة الصحيحة

عبر النقر على زر علق  أسفل السؤال

2 إجابة

0 تصويتات
بواسطة
يقع شارع المعز لدين الله الفاطمى في منطقة الأزهر بالقاهرة الفاطمية

تفاصيل عن شارع المعز لدين الله الفاطمى
 http://adf.ly/1FNczP
0 تصويتات
بواسطة

شارع المعز - Al-Mu'izz ledin Illah Street - . من أهم الشوارع التاريخيه فى مصر و القاهره. لما بنى جوهر الصقلى القاهره المعزيه عمل فى سورها الشمالى بابين يبعدو عن بعض و هما باب النصر و باب الفتوح. و فى السور الجنوبى عمل بابين متجاورين تم تسميتهم ب باب زويله ، و عمل شارع رئيسى من باب الفتوح الي باب زويله وتم تسميه هذا الشارع ب شارع المعز لدين الله.

شارع المعز اتعرف كمان باسم شارع الأعظم ، و شارع القاهره ، و شارع القصبه. جوهر الصقلى بنى على جانبه الشرقى قصر للخليفه المعز اتعرف باسم " القصر الشرقى الكبير " و ده لان ابنه العزيز بالله بنى امامه " قصر صغير اتعرف باسم القصر الغربى الصغير ". بعد ما صلاح الدين الأيوبى قضى على الدوله الفاطميه فى مصر راح هو و اهله و امرا دولته سكنوا فى القصر الكبير وبقي القصر ده مقر لحكم الايوبيين حتي بنايه قلعة الجبل فوق جبل المقطم و سكن فيها الملك الكامل ابن اخو صلاح الدين و شويه شويه القصر الكبير اهمل لعاية ما اتهد و اتبنت فى المنطقه احياء و شوارع و مدارس و بيوت. لم يكن شارع المعز شارع القاهره الرئيسى فقط لكن امتداداته من ناحية باب زويله كان بيوصل للفسطاط و من ناحيه باب الفتوح لـ حى الحسينيه و الظاهر.

شارع المعز كان مليان دكاكين و أسواق لدرجة ان عدد المحلات من بره باب الفتوح لباب زويله كانت حوالى 1200 محل، و فضل الشارع محتفظ بمكانته فى العصر المملوكى و كانت ليه تقاليد لازم تتراعى كان مثلاًممنوع تعدى فيه جمال محمله او حصنه او سقا مش مغطى روايته. و كان فيه قانون يحتم على اصحاب الدكاكين انهم ينوروا دكاكينهم بالقناديل طول الليل و يكون عند كل صاحب دكان زير مليان مايه مخصصه لمكافحة الحريقه لو شبت. و كان فيه عمال قمامه و نضافه و كناسين و حراس امن.

شارع المعز أكتر شارع فى القاهره و مصر مليان تحف اثريه من العصور الوسطى و من العصر المملوكى بالذات. الشارع بيمتد من باب الفتوح لغاية باب زويله و المساحه دى بتضم شوارع باب الفتوح و امير الجيوش و النحاسين و بين القصرين و الصاغه و الاشرفيه و العقادين و المناخليه و المنجدين و السكريه.

الاثار اللى ذكرها المقريزى فى الشارع هى : جامع الحاكم بأمر الله ، وكالة قايتباى ، بيت السحيمى ، جامع سليمان أغا السلحدار ، جامع الأقمر ، سبيل عبد الرحمن كتخدا ، قصر الامير بشتاك ، جامع السلطان قلاوون ، مدرسة الظاهر برقوق ، تربة الصالح أيوب ، المدرسه الصالحيه ، المدرسه الكامليه ، مدرسة الناصر محمد بن قلاوون ، جامع الأشرف برسباى ، مدرسة و سبيل السلطان الغورى ، حمام المؤيد ، جامع المؤيد، و غيرها.

فى عهد وزير الثقافه فاروق حسنى إتعمل جهد ضخم لترميم أثار الشارع التاريخى وتم تطوير منطقته بعد ما كان تهالك بسبب الإهمال وقلة الإهتمام وبقى شكله يليق بمكانة مصر التاريخيه.

شارع المعز اهم مناطق القاهره الاسلاميه اللى ضمن مواقع التراث العالمى التابعه لمنظمة اليونيسكو من سنة 1979.

بواسطة
محلاكي يا مصر المحروسة حفظك الله ورعاكي علي طول الدهر محمية .

اسئلة متعلقة

1 إجابة
سُئل يوليو 16، 2017 بواسطة مجهول
0 إجابة
سُئل مايو 6، 2017 بواسطة مجهول
0 إجابة
سُئل سبتمبر 15، 2016 في تصنيف معلومات عامة بواسطة مجهول
إخلاء مسئولية: جميع الاسئلة والاجابات والتعليقات المنشورة في موقع ساعدني مسئول عنها كاتب المحتوى فقط، وإدارة الموقع تحاول مراجعة كافة الاسئلة والاجابات والتعليقات للتأكد من دقة كل المعلومات المنشورة، رغم ذلك فهي لا تتحمل أي مسئولية أدبية أو قانونية عما يتم نشره على الموقع.
مرحبًا بك في موقع ساعدني، حيث يمكنك طرح الأسئلة وانتظار الإجابة عليها من المستخدمين الآخرين.
...